أنا اللي صيدتها هدا واحد الدري قال لصاحبو: علمني كيفاش نتصاحب قال ليه صاحبو: ساهلة. هز حجرة صغيرة وضربها بيها. وإيلا دارت عندك قول ليها ما نتصاحبوش أ الزين الغد ليه هز الدري حجرة قدها قد آش وضرب بيها بنت وهي تفلق وتسخف. تجمعوا عليها عباد الله، و هو يجي خينا يجري: أحيدوا راه أنا اللي صيدتها .............................. الخايبة والمراية هادي واحد الخايبة شافت وجهها ف المراية وقالت: هادو اللي كيصايبوا المرايات ولاو غير كيركعوا .............................. ماتش مباشر هادا واحد مبوق جالس ف القهوة مع الدراري كيتفرجوا ف ماتش مباشر الناس داخلين مع الماتش غوتو: دابا يتماركا البيت اللول، وفعلا تماركا شوية ناضو تاني: دابا يتماركا البيت التاني، وشوية تماركا البيت خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم ............................ رونالدينو واحد سول صاحبو: أشنو سمية رونالدينو؟ قال ليه: سميتو صالح سولو صاحبو: وكيفاش عرفتيها؟ قال ليه: سمعت المديع ف الماتش قال خطأ لصالح رونالدينو ........................ الراجل والعفريت هادا واحد مشى للسوق وشرا دلاحة منين حلها خرج ليه عفريت وقال ليه: طلب وتمنى قال ليه الراجل: بغيت دار قال ليه العفريت: ما لقيتها حتى أنا اللي ساكن ف دلاحة ............................. طلقات شعرها وحدة طلقات شعرها وهو يهرب ليها ................................. فين كنتي؟ واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي! هو يسد عليه الباب وبات ف الزنقة